Yadigar Sadıqlı 1968-ci il sentyabrın 29-da Lənkəran şəhərində anadan olub. 

Lənkəran şəhər 1 saylı məktəbini və Bakı Dövlət Universitetinin tarix fakültəsini bitirib. 

2000-2023-cü illərdə Müsavat Partiyasına üzv olub. Partiyanın Lənkəran təşkilatının sədri, daha sonra başqan müşaviri və başqan müavini vəzifələrini tutub, Məclis və Divan üzvü olub.

1992-1995-ci illərdə Lənkəran şəhər 1 saylı orta məktəbində, 2000-2010-cu illərdə Lənkəran Dövlət Universitetində müəllim işləyib.

2010-cu ildə siyasi fəaliyyətinə görə işdən çıxarılıb. 

2013-cü ildə qurama ittihamlarla əsassız həbs edilib, yerli və beynəlxalq hüquq müdafiə təşkilatları tərəfindən “vicdan məhbusu” kimi tanınıb. 2016-cı ildə azadlığa çıxıb. 

200-dən çox publisistik və elmi-populyar məqalələrin müəllifidir. Məqalələrindən ibarət “Tarixdən səhifələr” və “Yaxın Şərq tarixi” adlı kitabları nəşr olunub.

Lənkəran şəhərində yaşayır. 

Evlidir, üç övladı var.